السبت، ديسمبر 13، 2008

حارة زعتر


حارة من قلب مصر ... صورة من مجتمع إنت عايش فيه أو نفسك تعيش فيه
حارة زعتر بتعكس ملامح مجتمع كامل
مع "المتألقين" هتحس إنك إنسان جديد مش بس عايش لنفسك .. لأ .. ينابيع الخير في قلبك هتلاقي أكتر من مُتنفس
لما تساعد غيرك هتلاقي نفسك وهتحب المكان أكتر وهتقرر إنك تنضم ليه
هتدخل على بوابة الحارة هتلاقي أصحاب بيتكلموا في اللي نفسك تتكلم فيه
هتلاقيهم في الفرح بيهنوك وفي الألم بيواسوك
وساعتها
هتحس إن ده بيتك
ودي حياتك
ودول أهلك
الشيخ مهدي قاعد في زاويته مستنيك وبيستنهض دايما همتك لفهم الدين والتقرب للخالق عز وجل
والمنتجع التنموي والنفسي عبارة عن مكان ممكن تلقى فيه نفسك وتشكي فيه من همك
من بيت جدتي هنية وبيت الخاطبة بتنطلق همسة حب بتدفع في نفسك الاحساس بدفء بيت العيلة ورائحة الأكل المضبوط النضيف والنصيحة والكلمة الطيبة
لو بصيت لشمالك هتلاقي قهوة من غير لا شيشة ولا دخان لكن هتلاقي فيها نفس الدردشة ونفس الأحاديث إللي ما بتنتهيش ... وفي ركن منها هتلاقي "لوكلوك أفندي" بيتلامض في كل حاجة وكالعادة مافيش حاجة في البلد عجباه
لو بصيت ليمينك هتلاقي الدكتورة رحمة قاعدة في عيادتها مستنية منك بس تقول آه علشان تقوم لخدمتك
ولو بصيت قدامك هتلاقي حيطة كبيييييرة تساعي الكل ممكن ببساطة تخربش عليها إبداعك أو ترسم عليها ملامح فنان ساكن جواك ...
حارة زعتر فيها الملعب والورشة والسايبر
حارة زعتر فيها إنت وفيها حياتك
ما تترددش واسكن فيها هتلاقيها سكناك

حارة زعتر
http://www.z3tr.arrawan.com

هناك تعليق واحد:

غير معرف يقول...

السلام عليكم
عاملة ايه ؟ يارب تكونى بخير انتى واسرتك
انت طبعا مطنشة هنا خالص وكل يوم ادخل اقول تكونى حطيتى مغامرة جديدة بس مالقاش حاجة :(
قلت ادخل على الموقع اللى انتى اتكلمتى عليه يمكن تكونى ناشرة حاجة وفعلا لقيتك ناشرة باقية المغامرات هناك طبعا قعدت على 52 صفحة وخلصتهم فى 5 سشاعات متصليين بس اهم عوضوا شوية عن انتظارى للمغامرات اللى هنا
بجد انا حبيتك اوى وياريت تنشرى مغامراتك دايما وتاكدى انى دايما فى انتظارها واكيد انا وغيرى مش انا بس
ياريت ما تتأخريش
أختك فى الله