الأربعاء، يوليو 15، 2009

وحشتيني!!!!!



أشتاق إليكي شوق العاشقين

ولكم اشتاق لعيونك المحبين

وأرجو لقائكي الآن قبل حين

يا من سهرتي في الألم والأنين

يامن حملتني بجوار قلبك الثمين

يا بسمة تضئ الليالي والسنين

يا حضن يطفئ اللوعة والحنين

اتمني ان اقبل يديكي الناعمين

و تضميني بحضنك الدافئ الأمين


وحشتيني يا أمي

الأربعاء، فبراير 04، 2009

طرائف مصرية مطحونة في البارزيل المجنونة 7

قمت من النوم بعد ساعة بالظبط فايقة ومصححة ولا كأني نمت 10ساعات
يا الدوخة بأه بعد المجهود ده كله
وانا كمان تعبانة من القاعدة على الكرسي ورجلي ورمت خلاص من القعدة المستمرة دي
ولسة فاضل 4 ساعاتده انا كنت نبام في مصر على الأقل 10 ساعات يومياً دولقتي أنام ساعة واحدة بس وافوق كمان
يالا أنا فوقتلكوا بأه شوفوا لي حاجة أعملها لحد ما أوصل
المهم أني طلعت في دماغي أشوف فيلم كرتون تاني
ويا رتني ما فكرت في الفكرة دي مسكت الرموت وبدأت أقلب في القنوات والعب في السوفت وير بتاع الشاشة اللي قدامي
وبعد نص ساعة من الدعبسة واللعب في السوفتوير بتاع الشاشة الشاشة
مافيش حاجة خالص بتتعرض
تقولوا إيه بأه فساد الدولة مسكت الرموت وخربت الشاشة
ما أنا عارفة نفسي مش هرتاح غير لما أخرب حاجة في الطيارة دي
أعمل إيه باه دولقتي
عايزة حاجة أتسلي فيها
أمسك الروموت تاني أون يا عم أون يا حاج
أون يا ريس مفيش خلاص مات الرموت
فاضل ساعة على الشروق أنا أصلي الفجر وأقول أذكار الصباح
قومت الراجل الغليان اللي جنبي
طبعا الأخ يعني كان هيشد شعره مني علشان قومته تاني
أعملك إيه يعني بلاش أتوضأ يعني
أستغفر الله ما تعصبنيش على الصبح كفاية على الشاشة اللي خربت دي
روحت أتوضيت ورجعت جلست في مكان وبدأت أستعد للصلاة وكان الأستاذ الي جبني صحي وفاق
صليت الفجر وأنا قاعدة بدأت أقول الأذكار كان النهار بدأ يشقق ووأخيراًعرفت أتفرج من الشباك على المحيط
إيه ده سبحانك يا ربده أنا كنت فاكرة البحر بتاعتنا اللي في أليكس كبير ده طلع يدوب بيسن بالنسبة للمحيط
فاضل ساعاتين بالظبط
أيوووووووووووه
مين ولع النورولعوا النور في الطيارة
وبدأوا يفوقوا الناس اللي كانت في حالة إغماء من ساعة ما ركبوا الطيارة
وانا بس اللي كنت بتفرج عليهم
وعديت الأخت المضيفة وهي ماسكة كروانة قصدي علبة كبيرة وبتطلع من جواها فوط سخنة بالبخار وتوزعها علينا واحنا قاعدين
وكل واحد ياخد الفوطة وبحطها على وشه
وتعمل طش
قصدي يمسح وشه بيها كأنك بالظبط غسلت وشك بالمية والصابونة
يبتع

طرائف مصرية مطحونة في البارزيل المجنونة 6

جلست على الكرسي وحطيت زجاجة المية العزيزة أمامي
وقلت أدعبس باه شوية في الكركبة اللي حولي في الكرسي يمكن ألاقي حاجة اتلهي فيها ويكبس على النوم
الكرسي فيه رموت كنترول صغير بتاع إيه بأه ده وكمان تليفون
يالاه ده ليلتنا فل
أنا أموت في الدعبسة
المهم ضغت على زارير التليفون
واحدة ردت على
جت مين دي وهي فين أساسا علشان ترد
أنا قفلت السكة على طول
طيب نشوف بأه إيه حكاية الرموت ده
يااااااااااااااااااااااااااه يا حلاوة ده في تلفزيون
أتراي الشاشة اللي قدامي اللي من أول ما الطيارة طلعت وهي عمالة تعرض لي أرتفاع الطيارة عن المحيط أد إيه وأنا أموت من الرعب بتعرض قنوات فيديو
ماشي لما نشوف بأه إيه الموضوع يمكن نلاقي فيلم عربي لأسماعيل يس أنام وأنا بتفرج عليه ولا حاجة
فناة الأكشن: لا أنا مش ناقصة صداع بأه وضرب نار
قناة الرعب: أكتر من اللي أنا فيه دي يبقي كتير أوي
قناة الرومانسية: أستغفر الله العظيم
قناة الكوميدي: هيفوقني مش هنام كدة
قناة الكرتون: أه أهو كدة الكلام
أشغل فيلم كرتون حلو كدة وأنا هنام إن شاء الله
لاقيت فيلم كرتون لطيف جدا ولسة نازل جديد ومشفتوش قبل كدة وكمان أنجليزي حلو اوي
بدأت أتفرج وأركز مع الفيلم بأه علشان افهم
لا حول ولا قوة إلا بالله بأه أنا مشغلة الفيلم علشان أنام أقوم أركز معاها ويشدني علشان أترجم الكلام اللي يتقال والنوم يروح من عيني
اه يا ربي ده لسة فاضل 5 ساعات بحالهم
أعمل إيه يا ربيأه أفتكرت أنا معاي ال MB3حلو أوي أنا أسمع شوية قرآن ويمكن ربنا يهيدي وأنام
شغلته وبدأت أسمع ونمت لمدة ساعة بالظبط
وقمت فايقة جدا ولسة 4 ساعات على الوصول
يتبع

الثلاثاء، يناير 13، 2009

خلص الكلام وعيون أهل غزة لا تنام


السبت، ديسمبر 13، 2008

حارة زعتر


حارة من قلب مصر ... صورة من مجتمع إنت عايش فيه أو نفسك تعيش فيه
حارة زعتر بتعكس ملامح مجتمع كامل
مع "المتألقين" هتحس إنك إنسان جديد مش بس عايش لنفسك .. لأ .. ينابيع الخير في قلبك هتلاقي أكتر من مُتنفس
لما تساعد غيرك هتلاقي نفسك وهتحب المكان أكتر وهتقرر إنك تنضم ليه
هتدخل على بوابة الحارة هتلاقي أصحاب بيتكلموا في اللي نفسك تتكلم فيه
هتلاقيهم في الفرح بيهنوك وفي الألم بيواسوك
وساعتها
هتحس إن ده بيتك
ودي حياتك
ودول أهلك
الشيخ مهدي قاعد في زاويته مستنيك وبيستنهض دايما همتك لفهم الدين والتقرب للخالق عز وجل
والمنتجع التنموي والنفسي عبارة عن مكان ممكن تلقى فيه نفسك وتشكي فيه من همك
من بيت جدتي هنية وبيت الخاطبة بتنطلق همسة حب بتدفع في نفسك الاحساس بدفء بيت العيلة ورائحة الأكل المضبوط النضيف والنصيحة والكلمة الطيبة
لو بصيت لشمالك هتلاقي قهوة من غير لا شيشة ولا دخان لكن هتلاقي فيها نفس الدردشة ونفس الأحاديث إللي ما بتنتهيش ... وفي ركن منها هتلاقي "لوكلوك أفندي" بيتلامض في كل حاجة وكالعادة مافيش حاجة في البلد عجباه
لو بصيت ليمينك هتلاقي الدكتورة رحمة قاعدة في عيادتها مستنية منك بس تقول آه علشان تقوم لخدمتك
ولو بصيت قدامك هتلاقي حيطة كبيييييرة تساعي الكل ممكن ببساطة تخربش عليها إبداعك أو ترسم عليها ملامح فنان ساكن جواك ...
حارة زعتر فيها الملعب والورشة والسايبر
حارة زعتر فيها إنت وفيها حياتك
ما تترددش واسكن فيها هتلاقيها سكناك

حارة زعتر
http://www.z3tr.arrawan.com

الثلاثاء، ديسمبر 02، 2008

منايا يا الله

video

اللهم ارزقنا زيارة بيتك الحرام


كل عام وانتم بخير
كم هي ايام جميلة
وكم هم محظوظين من رزقهم الله بالحج هذا العام
نتمني على الله ان يرزقنا وإياكم زيارة بيته العتيق

لبيك اللهم لبيك
لبيك لا شريك لك لبيك
إن الحمد والنعمة لك والملك لا شريك
لبيك اللهم لبيك
لبيك لا شريك لك لبيك
إن الحمد والنعمة لك والملك لا شريك