السلام عليكم ورحمة الله وبركاته
ورمضان كريم
نظرا لأن السوق الصيني هنا ماعندهمش فوانييس رمضان
وكمان بالي اسبوع بدور على النت وعلمت سيرش نفضت فيه النت كله حته حته علشان طريقة سهلة لعمل فانوس رمضان ويكون فانوس كدة كبير ويملي العين وبصراحة بعد البحث والتنقيب لم اجد اي نتائج
علشان كدة فكرت كتير كتير وقررت اني اعمل الفانوس بنفسي
أول حاجة عملتها حضرت الأدوات كرتونة كبيرة ومقص ومسطرة وقلم رصاص واسكوتش وصمغ قوي وورق هديا واقلام ملونة
بعد كدة جبت الكرتونة وفتحتها بالمنظر ده
وبالمسطرة ورسمة رسمة الفانوس على الكرتون عملت القاعدة عرض 25 سم والقمة 30 سم وقعدت بالقطر وباه عندي 4 قطع متساوية بالشكل التالي 
بعد كدة تم لصق ال 4 مع بعض وبكدة بأه عندي قاعدة الفانوس بالشكل ده
نيجي بأه لقمة الفانوس الهرمية بالكرتون نقص 4 مثلثات ونلصقهم ببعض بالشكل التالي 
نثبت القمة الهرمية على قاعدة الفانوس وهيكون عندنا فانوس بالشكل ده
نغلف الفانوس بورق الهديا بالشكل التالي
بواقي الكرتون بعد قص الفانوس تم قصها على اشكال نجوم وهلال وتلوينها تم تعليق النجوم في حواف الفانوس
وبأه عندي في الأخر فانوس كبير وده الشكل النهائي
قوللي بأه رايكوا ايه في فانوسي؟؟
وكل عام وانتم بخير
هناك 5 تعليقات:
يا عيني ياعيني علي الفوانيس
دا انتي علي كده هتنافسي الصين في التصدير لمصر
ههههههههههههههه
ياريت يا مصريه تجربي تعملي الفوانيس الصغيره اللي كنت شوفتيها
تبقي جمب ده
يونسوا بعض وكده
مستكة وحشاني جدا
كل عام وانتي الي الله اقرب
على فكرة انا عملت من الفوانيس الصغننة كتير اوي عملتهم من ورق الأعلانات
وعلقتهم جنب بعض في شرايط وعملت بيهم زينة رمضان وعلقتها في الشقة كلها
رمضان كريم يا مستكتي
ربنا يعينك على غربتك يامصرية ..
بس والله عجبتنى طريقتك فى التغلب عليها يعنى مش حارمه نفسك من حاجه حتى لو فى البرازيل فوانيس تلاقى ملوخيه خضرا تلاقى ..
ربنا يوفقك ويهون عليكى غربتك
أول مرة أعرف إن ليكي مدونة يا قمر
بس فكرة الفانوس عبقرية ماشاء الله
عارفة مشكلتي مليش خااالص في البتكارات المنزلية دي
ان شاء الله اتعلم منك كتير
كل سنة وانتي مالي قلبك سعادة
رواء الروح
واو ما شاء الله سوو نايس خالص
شطورة يا حبيبتي
ان شاء الله لما ترجعي كايرو هستغلك وتعمليلي فانوس كميلة كده زييه :$
مليارت مبرروك علي مدونتك يا حبيبتي :$
إرسال تعليق